შანჰაის ტურტლიანი ქუჩები საუკეთესო ადგილია სისხლიანი წარსულის დასავიწყებლად. 10 დოლარი, გვერდში ქალი, და მსოფლიოს მეფე ხარ. მაგრამ როცა ძველი მეგობარი ჩამოდის, ეს ყველაფერი არაფერს აღარ ნიშნავს შენთვის. ერთი სული გაქვს სადმე ჩაუჯდეთ და ტკბილად მოიგონოთ წარსული, მაგრამ ვინ გაცდის - ახალი პრობლემებია. მათი გადაჭრა კი ძველებურად მოგიწევს. რადგან, როცა მამაძაღლები კუთხეში მიგიმწყვდევენ, პირდაპირ ხელი გექავება საფანტიანი თოფი ამოიღო და სისხლიანი სასაკლაო მოაწყო! ვიდეოთამაშების მთელ ისტორიაში ყველაზე თავზეხელაღებული და სასტიკი მკვლელების წყვილი ბრუნდება! კეინი და ლინჩი ახალ ისტორიას მოგვიყვებიან, რომელიც ალაგ-ალაგ აფეთქებებით, ტყვიების წვიმით და სისხლის მდინარეებით იქნება შეზავებული. ისტორიის არნახული რეალიზმი ქვის ჯუნგლებში გადაგვიყვანს. აქ ყველანაირ გეტოზე უფრო საშიშია ყოფნა, მაგრამ ჩვენი ბოროტი გმირები - გამოქექილი მტაცებლები არიან. საკუთარი ტყავი უფრო ძვირფასია ვიდრე აქაური განგსტერების სიცოცხლე. სჯობს იმქვეყნად მთელი ქალაქი გაისტუმრო, ვიდრე ვინმე გადაურჩეს შურისძიებას. როცა ისინი ერთმანეთს შეხვდებიან, სამყარო დაიქცევა. მოემზადეთ - კეინი და ლინჩი უკვე ახლოს არიან და მზად არიან მკვლელობებისთვის.